काठमाडौं । नेपाल स्टक एक्सचेञ्जमा अजोड इन्स्योरेन्स र यूनाइटेड इन्स्योरेन्स लिमिटेडको शेयर कारोबार रोक्का भएको छ । यी दुई कम्पनी उक आपसमा मर्ज भई जेठ १४ गतेदेखि एकीकृत कारोबार शुरु गर्ने भएसँगै दुबै कम्पनीको शेयर कारोबार रोक्का भएको हो ।
यी दुई कम्पनीको जेठ १० गतेको पत्रानुसार उक्त संगठित संस्थाहरुबीच एक आपसमा गाभ्ने/गाभिने वा मर्जरमा जाने कार्य सम्पन्न भई जेठ १४ गते आइतबारदेखि ‘युनाईटेड अजोड इन्स्योरेन्स’को नामबाट एकीकृत कारोबार शुरु गर्ने भएसँगै नेप्सेले यी दुई कम्पनीको शेयर कारोबार रोक्का गरिदिएको हो ।
आगामी आइतबारदेखि युनाइटेड अजोड इन्स्योरेन्स कम्पनीको नामबाट कारोबार हुनेछ । दुई कम्पनीले गएको चैत १६ गते मर्जरको अन्तिम सहमतिपत्रमा हस्ताक्षर गरेका थिए । गएको पुस अन्तिममा प्रारम्भिक सहमतिपत्रमा हस्ताक्षर गरेका दुई कम्पनीले करिव साढे चार महिनाको अवधिमा मर्जर प्रक्रिया टुङ्ग्याएका हुन् ।
दुई कम्पनी विचमा १०० बराबर ८२.५ को अनुपातमा मर्जर भएको हो । यस स्वाप रेसियो अनुसार अजोड इन्स्योरेन्स कम्पनीको १०० कित्ता शेयर हुनेको मर्जर पश्चात ८२.५ कित्ता हुनेछ । युनाइटेडका शेयरधनीको कित्तामा कुनै फेरबदर हुने छैन ।
1685082514239
