काठमाडौं। सिटी होटल लिमिटेडको आइपीओ आज बाँडफाँड सम्पन्न भइसकेको छ । कम्पनीको आइपीओ बाँडफाँड भएता पनि नतिजा भने केही समयपछि मात्रै हेर्न सकिनेछ । आइपीओ नतिजा यी तीन तरिकाबाट हेर्न सकिनेछ । उक्त आइपीओको नतिजा बिक्री प्रबन्धक ग्लोबल आइएमई क्यापिटलको वेवसाईट, सिटी होटलको वेवसाईट , सिडिएसीको मेरो शेयरको वेवसाईट मार्फत हेर्न सकिने छ ।
यस अनुसार उक्त आइपीओको नतिजा बिक्री प्रबन्धक ग्लोबल आइएमई क्यापिटलको वेवसाईट https://www.globalimecapital.com/ , सिटी होटलको वेवसाईट https://cityhotel.com.np/ , सिडिएसीको मेरो शेयरको https://iporesult.cdsc.com.np/ वेवसाईट मार्फत हेर्न सकिने छ ।
सिटी होटेलले बैशाख २५ गतेदेखि वैशाख २८ गतेसम्म सर्वसाधारणका लागि आइपीओ बिक्रि खुला गरेको थियो । कम्पनीको आइपीओमा अन्तिम दिनसम्ममा ११ लाख ७ हजार २१६ आवेदकले कुल १ करोड २० लाख ७४ हजार ८ सय कित्ताका लागि आवेदन दिएका थिए । कम्पनीले सर्वसाधारणका लागि १३ लाख ५५ हजार ९ ४० कित्ता शेयर छुट्याएको थियो ।
बिक्री प्रबन्धक ग्लोबल आइएमई क्यापिटलका अनुसार उक्त आइओमा ४ हजार ९९२ आवेदकको आवेदन रद्द भएको छ । १० लाख ८७ हजार ६७५ योग्य आवेदक कायम भएका थिए । यीमध्ये १ लाख ३५ हजार ५९४ आवेदकले शेयर हात पारेका छन् ।