काठमाडौं । शेयर बजार सुस्ताउने क्रम जारी छ । बजेट भषण नजिकिदै गर्दा शेयर बजारमा भने रौनक छैन । हरेक वर्ष बजेटको पुर्वसन्ध्यामा शेयर बजार बढ्ने गरेकोमा यस वर्ष गएको फागुन चैतदेखि नै लगातार घटिरहेको छ ।
घटबढ भइरहने शेयर बजार यस पटक भने लगातार तल झरिरहेको छ । बजार लगातार तल झर्दा साना, ठुलादेखि अल्कालिन अवधिका लगानीकर्ताहरु समेत पलायन हुन्छन् । संस्थागत लगानीकर्ताले शेयर खरिद गरिरहेका छैनन् ।
त्यसैले कारोबार रकम दिन प्रतिदिन घटिरहेको छ । मंगलबार नेप्से सूचक ३.३९ अंकले सुधार हुँदा ६४ करोड एक लाख रुपैयाँको खरिद बिक्री भएको छ । नेप्से सूचक १८२१.६० अंकमा रोकिएको छ । आज ६३ वटा कम्पनीको शेयर मूल्यमा सुधार हुँदा १३६ वटा कम्पनीको शेयर मूल्य घटेको छ ।
आत्मनिर्भर लघुवित्तको शेयर मूल्यमा सकारात्मक सर्किट लागेको छ भने सर्वाधिक धेरै कारोबार एनआइसी एशिया बैंकको ५ करोडको कारोबार भएको छ । बैंकिङ र अन्य सूचक बाहेक सबै बढेका छन् ।
