काठमाडौं । एनआईसी एशिया बैंकको करिब साढे ३ लाख कित्ता संस्थापक शेयर आज जेठ २ गतेबाट बिक्री गर्ने भएको छ । एनआईसी एशिया बैंकले ३ लाख ४५ हजार ६८० कित्ता संस्थापक समूहको शेयर लिलामीमा विक्री गर्न लागेको हो ।
उक्त शेयर खरिद गर्न विद्यमान संस्थापक शेयरधनी तथा जोकोही योग्य व्यक्ति, कम्पनी, संघसंस्थाले खरिद आवेदन दिन सक्नेछन् । लगानीकर्ताले न्यूनतम १ हजार कित्ता र अधिकतममा १० ले भाग जाने संख्यामा वा अधिकतममा सम्पूर्ण कित्ताका लागि खरिद आवेदन दिन सक्नेछन् ।
उक्त शेयरको न्यूनतम मूल्य प्रतिकित्ता ३६५ रुपैयाँ तोकिएको छ । बोलपत्र काठमाडौंको लाजिम्पाटस्थित धितोपत्र बिक्री प्रबन्धक एनआईबिएल एस क्यापिटलमा बुझाउनुपर्नेछ । बोलपत्र जेठ ९ गते अपराह्न २ बजेसम्म बुझाउन सकिने जनाएको छ ।
