काठमाडौं । नेपाल राष्ट्र बैंकको तेस्रो त्रैमाशिक मौद्रिक समिक्षाले पनि लगानीकर्ताको मनोबल बढाउन सकेन । राष्ट्र बैंकले उद्योगी व्यवसायीदेखि लिएर आम लगानीकर्तालाई राहात पुर्याउने गरी मौद्रिक समिक्षा गर्न नसकेको आरोप लगाउदै आएका छन् ।
शुक्रवार सार्वजनिक गरिएको मौद्रिक समिक्षाले उद्योगी व्यवसायीलाई केहि राहात पुर्याउने उद्देश्यले कर्जा पुनर्तालिकिकरण र पुनरकर्जाको सुविधा प्रदान गरेको छ । तर अहिलेको अर्थतन्त्र नेपाल राष्ट्र बैंकको नियन्त्रण भन्दा बाहिर रहेको विश्लेषण गरिएको छ । अर्थतन्त्रमा सिथिलता आएको भन्दै उद्योगी व्यवसायीहरुले सरकार सँग हारगुहार गरिरहेका छन् । उनिहरुले आगामी आर्थिक वर्षको बजेटमा संबोधन खोजिरहेका छन् ।
अर्को तर्फ नेपाल धितोपत्र बोर्डले बजारमा एकै पटक ४६ वटा नयाँ ब्रोकर लाइसेन्स जारी गरेको भन्दै पुराना ब्रोकर रिसाइरहेका छन् । उनिहरुले बजार घटाउन खोजिरहेको विश्लेषण हुने गरेको छ । नयाँ लाइसेन्स पाएका ब्रोकरहरु बजारमा आए पछि बजारले गति लिने कतिपयको विश्लेषण पनि छ ।
यसै क्रममा आज आइतबार नेप्से सूचक १६.९६ अंकले घटेको छ । बजार घट्ने क्रममा नेप्से सूचक १८२१.६४ अंकमा जरेको छ । कारोबार रकममा भने सामान्य सुधार देखिएको छ । आज ९० करोड रुपैयाँको खरिद बिक्री भएको छ ।
१६९ वटा कम्पनीको शेयर मूल्य घट्दा ४० वटाको भने बढेको छ । लगानीको सूचक बाहेक सम्पुर्ण सूचक तथा उपसूचकमा गिरावट छ ।
