काठमाडौं । साविक रिलायन्स लाइफले चालु आर्थिक वर्षको तेश्रो त्रैमासको वित्तीय विवरण सार्वजनिक गरेको छ । सार्वजनिक गरिएको वित्तीय विवरण अनुसार ९ महिनामा कम्पनीले १ अर्ब ९७ करोड खुद बीमा शुल्क आर्जन गर्न सफल भएको छ । गत आर्थिक वर्षको तेश्रो त्रैमाससम्म कम्पनीले २ अर्ब १३ करोड खुद बीमा शुल्क आर्जन गरेको थियो । एक वर्षको अवधिमा खुद बीमा शुल्क आर्जन ७ दशमलव ८६ प्रतिशतले कम भएको छ ।
तेश्रो त्रैमाससम्म कम्पनीले १४ करोड ६३ लाख खुद नाफा गरेको छ । गत आर्थिक वर्षको चैत मसान्तसम्म यो नाफा १२ करोड ४ लाख थियो । नाफा २१ दशमलव ४८ प्रतिशतले वृद्धि भएको छ ।
२ अर्ब १० करोड चुक्ता पुँजी भएको कम्पनीको जगेडामा ३८ करोड १० लाख रहेको छ । एक वर्षको अवधिमा जगेडा रकम ७८ दशमलव २८ प्रतिशतले वृद्धि भएको छ । जीवन बीमा कोष २२ दशमलव ४६ प्रतिशतले वृद्धि हुँदै ४ अर्ब ४९ करोड पुगेको छ । एक वर्ष अघि जीवन बीमा कोषमा ३ अर्ब ६७ करोड थियो ।
कम्पनीको खुद दावी भुक्तानी २८ दशमलव ०३ प्रतिशतले वृद्धि हुँदै ६९ करोड ८७ लाख पुगेको छ ।
