काठमाडौं । साविक सिद्धार्थ इन्स्योरेन्स कम्पनीले आर्थिक वर्ष २०७९/ ८० को तेस्रो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको दाबी भुक्तानी बाहेक अधिकांश सूचकमा बृद्धि देखिएको छ ।
१ अर्ब ४० करोड रुपैयाँ चुक्ता पूँजी भएको कम्पनीको जगेडा कोषमा ३९ करोड १५ लाख रुपैयाँ संचिती रहेको छ । गत आर्थिक वर्षको सोही अवधिमा कम्पनीको जगेडा कोषमा २५ करोड ३९ लाख रुपैयाँ संचिती रहेको थियो । यस अवधिसम्ममा कम्पनीको बीमा कोषमा १ अर्ब ३८ करोड रुपैयाँ रहेको छ । गत वर्ष कम्पनीको जीवन बीमा कोषमा १ अर्ब ९ करोड रुपैयाँ थियो ।
यस अवधिमा कम्पनीले ३९ करोड २६ लाख खुद नाफा आर्जन गरेको छ । गत आर्थिक वर्षको सोही अवधिमा कम्पनीले १७ करोड ३४ लाख रुपैयाँ नाफा कमाएको थियो । गत वर्षको तुलनामा कम्पनीको नाफा १२६ प्रतिशतले बढी हो ।
त्यस्तै, यस अवधिसम्ममा कम्पनीले ९० करोड ५० लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ८३ करोड ६६ लाख रुपैयाँ खुद बीमा शुल्क आर्जन गरेको थियो । गत वर्षको तुलनामा कम्पनीको खुद बीमा शुल्क आर्जन ८ प्रतिशतले बढी हो ।
यस अवधिमा कम्पनीले ३९ करोड ५९ लाख खुद दाबी भुक्तानी गरेको छ । गत वर्षको सोही अवधिमा कम्पनीले ५१ करोड २५ लाख रुपैयाँ खुद दाबी भुक्तानी गरेको थियो । गत वर्षको तुलनामा कम्पनीले दाबी भुक्तानी कम हो ।
यस अवधिमा कम्पनीको प्रति शेयर आम्दानी २७ रुपैयाँ ९७ पैसा रहेको छ । प्रति शेयर नेटवर्थ २३४ रुपैयाँ ३६ रहेको छ । मुल्य आम्दमनी अनुपात २८.९३ गुणा रहेको छ ।
