काठमाडौं । नेप्सेमा चार कम्पनीको बोनश शेयर सूचिकृत भएको छ । नेपाल स्टक एक्सचेञ्जमा आशा लघुवित्त वित्तीय संस्थाको आज बोनश शेयर सूचिकृत भएको हो भने ल्यूव आयल लिमिटेड, ग्लोबल आइएमई लघुवित्त र ज्योति विकास बैंकको हिजो सूचिकृत भएको हो ।
आशा लघुवित्त कम्पनीको गत चैत ११ गते सम्पन्न वार्षिक साधारण सभाबाट पारित १४ दशमलव २८५७ प्रतिशत बोनश शेयर सूचिकृत भएको हो । संस्थाको १४ दशमलव २८५७ प्रतिशत बोनश वापत ४ लाख ७७ हजार २० कित्ता शेयर सूचिकृत भएको हो ।
नेपाल ल्यूव आयल लिमिटेडको ९७ हजार ५६४ कित्ता, ज्याति विकास बैंकको १२ लाख ८० हजार ३२५ दशमलव ९९ कित्ता र ग्लोबल आइएमई लघुवित्त वित्तीय संस्थाको ६ लाख ६३ हजार १०७ दशमलव १९ कित्ता बोनश शेयर सूचिकृत भएको हो ।
ग्लोबल आइएमई लघुवित्तको गत फागुन २४ गते सम्पन्न वार्षिक साधारण सभाबाट पारित १२ प्रतिशत बोनश शेयर, ज्योति विकास बैंकको गत फागुन २४ गते सम्पन्न वार्षिक साधारण सभाबाट पारित ३ प्रतिशत बोनश शेयर र नेपाल ल्यूव आयलको असोज २८ गते सम्पन्न वार्षिक साधारण सभाबाट पारित २५ प्रतिशत बोनश शेयर नेप्सेमा सूचिकृत भएको हो ।
अब यी कम्पनीको बोनश शेयर सम्बन्धीत शेयरधनीको हितग्राही खातामा आएपछि कारोबार गर्न सक्नेछन् ।
