काठमाडौं । एनआईबिएल एस क्यापिटल लिमिटेड, एक्सप्रेस सर्भिशेस प्रा ली र पायोनियर ल एसोसिएट्सको सहकार्यमा सोमबार बिरगञ्जस्थित क्लार्क रिसोर्टमा ‘रोड टु आईपीओ’ कार्यशाला सम्पन्न भएको छ । उक्त कार्यक्रममा प्रायोजकको रुपमा रहेको डाएनामिक टेक्नोसफ्ट प्रा. ली.ले आफ्नो ब्यानर प्रदर्शनी गरेको थियो ।
एनआईबिएल एस, एक्सप्रेस सर्भिशेश र पायोनियर ल एसोसिएट्सले बिरगञ्जको कर्पोरेट हाउसेस, उत्पादन तथा प्रशोधन उद्योग तथा वास्तविक क्षेत्रहरूलाई आईपीओ निष्कासनको प्रक्रियामा चाहिने कानुनी र वित्तीय परामर्शका विषयमा सहजीकरण गराउनको लागी यो कार्यशाला आयोजना गरेको हो ।
कार्यक्रममा पायोनियर ल एसोसिएट्सका म्यानेजिङ पार्टनर अनुपराज उप्रेती र एनआईबिएल एस क्यापिटलका डेपुटी जनरल म्यानेजर सचिन्द्र ढुंगानाको प्रस्तुति रहेको थियो । कार्यक्रमको सफल कार्यान्वयनको लागि ऋब्। सुभास खण्डेलवाल , ऋब् प्रदिप कुश्वाहाले सक्रिय भुमिका निर्वाह गरेका थिए ।
उक्त कार्यशालाले कानूनी पक्ष, संस्थागत सुशासन, पुँजी संरचना, आईपीओ मूल्य निर्धारण, साइज समयरेखा र विधिहरूमा केन्द्रित रहेको आईपीओ सम्बन्धी ज्वलन्त उदाहरणहरु समेटेको थियो ।
