काठमाडौं । नेपाल इन्स्योरेन्स कम्पनीको निर्जीवन बीमा व्यवसाय स्थिर हुँदा मुनाफा भने ५९ प्रतिशलते बढेको छ । कम्पनीले चालु आर्थिक वर्ष २०७९/८० को तेस्रो त्रैमाशिक अवधिमा २८ करोड ६५ लाख रुपैयाँ मुनाफा आर्जन गरेको छ । गत वर्षको यहि अवधिमा १७ करोड ९४ लाख रुपैयाँ थियो ।
खुद बीमा शुल्क आर्जन भने गत वर्षकै जति ६० करोड रुपैयाँ रहेको छ । कुल बीमा शुल्क आर्जन भने एक अर्ब २० करोड रुपैयाँ रहेको छ । गत वर्षको यहि अवधिम एक अर्ब १७ करोड रुपैयाँ थियो । समिक्षा अवधिमा कम्पनीले १८ करोड ९८ लाख रुपैयाँ खुद दाबी भुक्तानी गरको छ । गत वर्षको यहि अवधिमा कम्पनीले १५ करोड २४ लाख रुपैयाँ भुक्तानी गरेको थियो ।
कम्पनीले अझै ८२ करोड ३७ लाख रुपैयाँ दाबी भुक्तानी गर्न बाँकी छ । दाबी भुक्तानी गर्न बाँकी रकम मध्येमा कोरोना बीमा बापत २३ करोड ६९ लाख रुपैयाँ रहेको छ ।
नेपाल इन्स्योरेन्स कम्पनीको चुक्ता पूँजी एक अर्ब ४९ करोड रुपैयाँ रहेको छ भने जगेडा कोषमा ४३ करोड ६२ लाख रुपैयाँ मात्रै छ । कम्पनीलाई साढे दुई अर्ब रुपैयाँ पूँजी पुर्याउन अझै एक अर्ब एक करोड आवस्यक पर्छ ।
प्रतिशेयर आम्दानी २५ रुपैयाँ रहेको नेपाल इन्स्योरेन्सको पिइ रेसियो २० रुपैयाँ र प्रतिशेयर नेटवर्थ १८९ रुपैयाँ रहेको छ । प्रतिशेयर कुल सम्पत्ती मूल्य ३३३ रुपैयाँ रहेको छ ।
