काठमाडौं । मेट लाइफले चालु आर्थिक वर्षको तेश्रो त्रैमासको वित्तीय विवरण सार्वजनिक गरेको छ । सार्वजनिक गरिएको वित्तीय विवरण अनुसार ९ महिनामा कम्पनीले ३ अर्ब ७२ करोड खुद बीमा शुल्क आर्जन गर्न सफल भएको छ । गत आर्थिक वर्षको तेश्रो त्रैमाससम्म कम्पनीले ३ अर्ब ८३ करोड खुद बीमा शुल्क आर्जन गरेको थियो । एक वर्षको अवधिमा खुद बीमा शुल्क आर्जन २ दशमलव ८० प्रतिशतले घटेको छ ।
तेश्रो त्रैमाससम्म कम्पनीले २२ करोड ३३ लाख खुद नाफा गरेको छ । गत आर्थिक वर्षको चैत मसान्तसम्म यो नाफा १८ करोड १० लाख थियो । नाफा २३ दशमलव ४० प्रतिशतले वृद्धि भएको छ ।
कम्पनीको जगेडामा २ अर्ब ८१ करोड रहेको छ । एक वर्षको अवधिमा जगेडा रकम ६ दशमलव ३९ प्रतिशतले वृद्धि भएको छ । जीवन बीमा कोष १० दशमलव ६९ प्रतिशतले वृद्धि हुँदै २२ अर्ब ४० करोड पुगेको छ । एक वर्ष अघि जीवन बीमा कोषमा २० अर्ब २४ करोड थियो ।
कम्पनीको खुद दावी भुक्तानी २९ दशमलव ९४ प्रतिशतले कम हुँदै २ अर्ब ११ करोड पुगेको छ ।
