काठमाडौं । नेपाल बैंकले काठमाडौंको टोखा नगरपालिका ९, गोंगबुमा नयाँ शाखा संचालनमा ल्याएको छ । यससँगै बैंकका शाखा संख्या २२८ पुगेका छन् । शाखा कार्यालयको नेपाल बैंकका प्रमुख कार्यकारी अधिकृत कृष्णबहादुर अधिकारी र टोखा नगरपालिका ९ का अध्यक्ष रामभक्त घिमिरेले संयुक्त रुपमा उद्घाटन गरेका हुन् ।
कार्यक्रममा सीईओ अधिकारीले स्थानीय जनता तथा संघसंस्थाको धेरै पहिलेदेखिको अनुरोधलाई मनन गरेर गोंगबु शाखा खोलिएको र टोखा नगरबासीलाई प्रतिस्पर्धात्मक माध्यमबाट सुलभ र सहज बैंकिङ सेवा दिने जनाए ।
