काठमाडौं । पछिल्लो समय विभिन्न उत्सव, विवाह लगायतका पर्वहरुमा उपहार दिने प्रचलनले फरक रुप पाएको छ । पछिल्लो समय हरेक चार्ड पर्वहरुमा जिन्सी, सामान, गहना उपहार दिनुको सट्टा बीमा पोलिसी उपहार दिने प्रचलन प्रबल रुपमा भित्रिएको छ । यसैबीच सिन्धुपाल्चोक घर भई हाल बसुन्धरा बस्दै आएका जित बहादुर श्रेष्ठले आफ्नी श्रीमति सुष्मा श्रेष्ठलाई बीमा पोलिसी उपहार दिएका छन् ।
उनले आफ्नी श्रीमतिलाई १२औं बैवाहिक वर्षगाँठको अवसरमा एशियन लाइफ इन्स्योरेन्सको चाबहिल शाखाबाट एशियन सावाधिक जीवन बीमा पोलिसी उपहार दिएको चाबहिल शाखाका शाखा प्रबन्धक अशोकराज गिरीले जनाएका छन् ।
बैवाहिक वर्षगाँठमा अन्य उपहारभन्दा बीमा पोलिसी उपहार दिँदा बचत र सुरक्षाको साथै भविष्यमा आइपर्ने जोखिमको कभर गर्ने हुँदा आफुले बीमा पोलिसी पहार दिएको जीत बहादुर श्रेष्ठले जानकारी गराए । अर्को बीमा हुँदा हुँदै पनि थप यो पोलिसी उपहार स्वरुप दिएको उनले जनाए ।
