काठमाडौं । नेप्सेमा ६ कम्पनीको बोनश शेयर सूचिकृत भएको छ । यी ६ कम्पनीले आफ्नो वार्षिक साधारण सभाबाट पारित गराएका बोनश शेयर हिजो नेप्सेमा सूचिकृत गराएका हुन् । नेप्सेमा हिजो गरिमा विकास बैंक, अरुण भ्याली, नेपाल पुनर्बीमा कम्पनी, प्रुडेन्सियल इन्स्योरेन्स, डिप्रोक्स लघुवित्त, निर्धन उत्थान लघुवित्तको बोनश शेयर सुचिकृत भएको छ ।
नेप्सेमा डिप्रोक्स लघुवित्तको १० प्रतिशतले हुन आउने १३ लाख ८७ हजार ४ सय ९८ दशमलव ३३२८ कित्ता बोनश शेयर, निर्धन उत्थान लघुवित्तको १९ प्रतिशतले हुन आउने ४१ लाख ७० हजार ५ सय ४७ दशमलव ५ कित्ता बोनश शेयर र प्रुडेन्सियल इन्स्योरेन्सको ३.३२५ प्रतिशतले हुन आउने ३ लाख ९४ हजार ३ सय ९२ कित्ता र नेपाल पुनर्बीमा कम्पनीको ५ प्रतिशतले हुन आउने ५८ लाख २५ हजार कित्ता बोनश शेयर सुचिकृत भएको हो ।
यी कम्पनीको बोनश शेयर सुचिकृत भएसँगै आफ्नो डिम्याट खातामा आएपछि लगानीकर्ताले शेयर खरिद बिक्री गर्न सक्ने छन् ।
