काठमाडौं । आज शेयर बजार बढेको छ । आज नेप्शे परिसूचक १७ दशमलव ३६ ले बृद्धि भई १९०५ दशमलव ६८ को विन्दुमा कायम भएको छ । आज कुल ८८ करोड २५ लाख ३४ हजार रुपैयाँको शेयर कारोबार हुँदा सबैभन्दा धेरै तारागाउँ रिजेन्सी होटेलका लगानीकर्ताले कमाएका छन् । कम्पनीको शेयर ८ प्रतिशतले बृद्धि हुँदा प्रति शेयर मूल्य ५४० रुपैयाँ कायम भएको छ ।
यसैगरी आज खप्तड लघुवित्त वित्तीय संस्थाको शेयर ७ दशमलव ८५ प्रतिशतले बृद्धि भई प्रति शेयर मूल्य ९२७ रुपैयाँ कायम भएको छ । साथै सिटिजन म्युचुअल फन्डको शेयर ५ दशमलव १३ प्रतिशतले बृद्धि हुँदा प्रति शेयर मूल्य ८ रुपैयाँ कायम भएको छ । सिद्धार्थ प्रिमियमको शेयर भने ४ दशमलव ५१ प्रतिशतले बृद्धि भई प्रति शेयर मूल्य ६०२ रुपैयाँ कायम भएको छ ।
