काठमाडौं । नयाँ स्टक एक्सचेन्ज र ब्रोकर लाइसेन्सका लागि दोस्रो बजारकै विद्यमान लगानीकर्ताले शेयर बिक्री गर्दा बजारमा थप गिरावट देखिएको छ । नयाँ स्टक एक्सचेन्जका लागि समेत ठुला लगानीकर्ताले दोस्रो बजारमा शेयर बिक्री गरिरहेका छन् ।
त्यस्तै हालकै ब्रोकरहरुले तथा ब्रोकर कार्यमा संलग्न लगानीकर्ताहरुले नै नयाँ ब्रोकरका लागि पैसा जुटाउन थालेका छन् । आर्थिक मन्दीको समयमा बैंक वित्तीय संस्थाबाट ऋण झिकेर पैसा जुटाउनु भन्दै दोस्रो बजारबाटै उठाउने उनिहरुको रणनीतिले पनि बजारमा पेकि सेल बढेको हो ।
अर्को तर्फ सरकारले कित्ताकाट खुला गरे सँगै दोस्रो बजारका लगानीकर्ताहरु सस्तोमा शेयर बिक्री गर्दै जग्गामा लगानी गर्न पैसा जुटाउन थालेका छन् । कित्ताकाट खुला भए पछि शेयर बजार बढ्ने अपेक्षा गरिएको थियो । तर ठिक विपरित लगानीकर्ताले जग्गा नबढेको र सस्तोमा पाएको मौका छोप्दै पैसा जुटाउन थालेका छन् ।
यसरी नयाँ पैसा बनाउने क्षेत्रको रुपमा दोस्रो बजार बने पछि नेप्से सूचक सिजनमै लगातार घटिरहेको छ । आज नेप्से सूचक १८.८० अंकले घटेको छ । सूचक लगातार घट्ने क्रममा १८८५.६० अंकमा रोकिएको छ । कारोबार रकम ८२ करोड ८५ लाख रुपैयाँमा सिमित भएको छ । आज १८८ वटा कम्पनीको शेयर मूल्यमा गिरावट आएको छ भने २९ वटा कम्पनीको शेयर मूल्यमा सुधार देखिएको छ । आज होटल तथा पर्यटनको सूचक बाहेक सबै सूचक तथा उपसूचक ओरालो झरेका छन् ।
