काठमाडौं । हिमालय रिइन्स्योरेन्स कम्पनी र युनियन लाइफ सहित तीन कम्पनी मर्जर पश्चात बन्ने हिमालयन लाइफ इन्स्योरेन्स कम्पनीका लगानीकर्ताले स्टक एक्सचेन्जका लागि पनि धितोपत्र बोर्डमा आवेदन दिएका छन् । यस समुहले ‘हिमालयन स्टक एक्सचेन्ज’को नाममा आवेदन दिएको हो ।
नयाँ स्टक एक्सचेन्जमा पनि शंकर समुह र दिप भट्ट समुहको १५/१५ प्रतिशत लगानी रहेको छ । उनिहरु बाहेक हिमालयन रिइन्स्योरेन्सकै लगानीकर्ताहरु नेपाल बाणिज्य महासंघका पुर्व अध्यक्षहरु पशुपति मुरारका, शेखर गोल्छा, भवानी राणाहरुको समेत रहेको छ ।
नेपाल धितोपत्र बोर्डले नयाँ स्टक एक्सचेन्जमा संस्थागत लगानीकर्ताको मात्रै लगानी हुनु पर्ने व्यवस्था गरेकाले सबैले आ-आफ्ना कम्पनीहरु मार्फत लगानी गरेका छन् । स्टक एक्सचेन्जको चुक्ता पूँजी ३ अर्ब तोकिएको छ । जसमा ७० प्रतिशत संस्थागत लगानीकर्ता हुनु पर्नेछ भने ३० प्रतिशत सर्वसाधारण समुह अन्तर्गत व्यक्तिगत रुपमा पनि लगानी गर्न पाइनेछ ।
नयाँ स्टक एक्सचेन्जका लागि आगामी आइतबारसम्म आवेदन दिन पाइनेछ । यदि आइतबार इदको उपलक्ष्यमा सार्वजनिक विदा पर्यो भने सोमबारसम्म आवेदन दिन पाइनेछ । धितोपत्र बोर्डले लाइसेन्स आह्वान गरेपछि सर्वोच्चमा रिट परेको थियो । उक्त रिटलाई सर्वोच्चले खारेज गरिदिए पछि बोर्डले १० दिनको म्याद थप गरिदिएको थियो । अझै केहि व्यवसायिक घरानाले लाइसेन्सका लागि आवेदन दिने चर्चा छ ।
हिमालयन रि-इन्स्योरेन्समा ४४ कम्पनी सहित १०७ जनाको लगानी, यि हुन संस्थापक लगानीकर्ता (सूचि सहित)
