काठमाडौं । एशियन लाइफको शेयर मुल्य समायोजन भएको छ । कम्पनीले साधारण सभा तथा लाभांश प्रयोजनका लागि बुक क्लोज गरेसँगै नेप्सेले कम्पनीको शेयर मुल्य समायोजन गरी नयाँ मुल्य निर्धारण गरेको हो । नेप्सेले कम्पनीको हिजो अन्तिम कारोबार मुल्यको आधारमा शेयर मुल्य समायोजन गरेको हो ।
नेप्सेले कम्पनीको हिजो अन्तिम कारोबार मुल्य ६१८ रुपैयाँको आधारमा मुल्य समायोजन गरी ५६९ दशमलव ५९ कायम गरेको छ । कम्पनीको ८ दशमलव ५० प्रतिशत बोनश शेयर पछिको मुल्य समायोजन गरेको हो । अब यही मुल्यको आधारमा आइतबार कारोबार खुल्नेछ ।
कम्पनीले १५औं वार्षिक साधारण सभा बैशाख १८ गते गर्ने भएको छ । उक्त सभा बिहान ११ः३० बजे होटल क्लासिक सिमरा, बारामा गर्ने भएको छ । कम्पनीको चैत २३ गते बसेको बैठकले उक्त सभाको मिति तय गरेको हो ।
सभाले आर्थिक वर्ष २०७८र७९ सम्मको संचित मुनाफाबाट चुक्ता पूँजी २ अर्ब ९० करोड ८१ लख रुपैयाँको ८।५० प्रतिशतले हुन आउने २४ करोड ७१ लख ८९ हजार रुपैयाँ बराबरको बोनस शेयर र कर प्रयोजनको लागि ०।४४ प्रतिशतले हुन आउने १ करोड ३० लाख रुपैयाँ नगद लाभांश पारित गर्नेछ ।
