काठमाडौं । फागुन महिनामा मात्रै निर्जीवन बीमा कम्पनीहरुले २ अर्ब ८१ करोड रुपैयाँ बीमा शुल्क आर्जन गरेका छन् । गत माघ महिनामा मात्रै कम्पनीहरुले २ अर्ब ९४ करोड रुपैयाँ बीमा शुल्क आर्जन गरेका थिए । यस महिनादेखि निर्जीवन बीमा कम्पनीहरुको पनि व्यवसाय घट्न थालेको छ ।
फागुन महिनामा शिखरले ३६ करोड ४५ लाख रुपैयाँ बीमा शुल्क आर्जन गर्दा दोस्रो नम्बरमा रहेको नेकोको २२ करोड २५ लाख रुपैयाँ रहेको छ । गएको माघ महिनामा शिखरले भने ३२ करोड ७९ लाख रुपैयाँ आर्जन गरेको थियो । त्यस्तै नेकोको २१ करोड २ लाख रुपैयाँ मात्रै थियो । यस बाहेक अधिकाम्स कम्पनीको बीमा शुल्क आर्जनमा सामान्य गिरावट देखिएको छ । विगतका महिनामा निर्जीवन बीमा कम्पनीहरुको बीमा शुल्क आर्जनमा गिरावट देखिएको थिएन । जीवन बीमा कम्पनीहरुको बीमा शुल्क आर्जनमा गिरावट हुँदै आएकोमा अव निर्जीवन बीमा कम्पनीहरुमा पनि देखिन थालेको हो ।
सानिमा सिआइसीले फागुन महिनामा २१ करोड ७४ लाख आर्जन गर्दा माघमा १८ करोड ९ लाख रुपैयाँ मात्रै थियो । हिमालयन एभरेष्टले फागुनमा २१ करोड ४२ लाख रुपैयाँ आर्जन गर्दा माघमा भने १८ करोड १९ लाख रुपैयाँ मात्रै थियो ।
एनएलजीले १८ करोड ४० लाख रुपैयाँ बीमा शुल्क आर्जन गर्दा गएको माघ महिनामा १९ करोड ९० लाख थियो । सगरमाथाले १७ करोड ९४ लाख आर्जन गर्दा गएको माघ महिनामा १९ करोड ७ लाख थियो । मर्जरका कारण फागुन अन्तिम तीन दिनको तथ्याङ्क सगरमाथा लुम्बिनीको नामबाट कारोबार भएको छ ।
आइएमई जनरलले फागुनमा १५ करोड ९७ लाख रुपैयाँ आर्जन गर्दा गएको माघ महिनामा कम्पनीले १४ करोड ७९ लाख रुपैयाँ आर्जन गरेको थियो । फागुन महिनामा अजोडले १५ करोड ४१ लाख, प्रुडेन्सियलले १३ करोड १३ लाख, सिद्धार्थले १२ करोड २४ लाख, नेपाल इन्स्योरेन्सले ११ करोड ३९ लाख, राष्ट्रिय बीमा कम्पनीले ११ करोड १२ लाख रुपैयाँ आर्जन गरेका छन् ।
हेर्नुहोस् कुन कम्पनीको कति ?
