काठमाडौं । नेपाल स्टक एक्सचेञ्जमा किसान लघुवित्त वित्तीय संस्था लिमिटेडको शेयर मूल्य समायोजन भएको छ । संस्थाले साधारण सभा तथा लभांश प्रयोजनका लागि बुक क्लोज गरेसँगै नेप्सेले बोनश शेयरपछिको मुल्य समायोजन गरेको हो ।
नेप्सेले कम्पनीको ७ प्रतिशत बोनश शेयर पछिको मुल्य समायोजन गरेको हो । समायोजनपछि कम्पनीको शेयर मूल्य ६१२ रुपैयाँ १५ पैसा कायम भएको छ । नेप्सेले कम्पनीको आइतवार कारोबार दिनको अन्तिम मूल्य ६५५ रुपैयाँको आधारमा मुल्य समायोजन गरेको हो ।
