काठमाण्डाै । जीवन बीमा कम्पनी मेट लाईफ (अमेरिकन लाईफ इन्स्याेरेन्स) काे नेपाल शाखाले एक वर्षकाे अवधिमा करिब ४ अर्ब रुपैयाँ दाबी भुक्तानी गरेकाे छ। इन्स्याेरेन्सकाे नेपाल शाखाले प्रकाशन गरेकाे लेखा परिक्षण पछिकाे वार्षिक प्रतिवेदन अनुसार गत आर्थिक वर्ष २०७८।७९ मा बीमितलाई ३ अर्ब ९७ कराेड ३३ लाख रुपैयाँ खुद दाबी भुक्तानी गरिएकाे हाे ।
अघिल्लाे आव २०७७।७८ काे तुलनामा खुद दाबी भुक्तानी १३.४१ प्रतिशतले वृद्धि भएकाे छ। प्रकाशित वित्तीय विवरण अनुसार अघिल्लाे आवमा ३ अर्ब ५० कराेड रूपैयाँ खुद दाबी भुक्तानी गरिएकाे थियाे ।
भुक्तानी हुन दाबी वापतकाे व्यवस्था गत आवमा २४.२८ प्रतिशतले गिरावट आएर ६९ कराेड ४६ लाख ५५ हजार रुपैयाँ पुगेकाे थियाे । मेट लाईफकाे दाबी भुक्तानीमा सुधारका कारण अघिल्लाे आवमा ९१ कराेड ७५ लाख रुपैयाँ रहेकाे दाबी भुक्तानीवापतकाे व्यवस्था गत वर्ष उल्लेख्य रुपमा घटेकाे हाे । यसबाहेक अपरिपक्व जाेखिमवापतकाे व्यवस्थामा समेत १९.३९ प्रतिशतले कमी आएर ४१ कराेड ३० लाख ७७ हजार रुपैयाँ रहेकाे थियाे ।
कम्पनीले गत आवकाे खुद नाफाबाट कर्मचारी बाेनशवापत ६ कराेड ९२ लाख ७७ हजार रुपैयाँ विनियाेजन गरेकाे छ। नाफामा सुधारसँगै कम्पनीकाे कर्मचारी बाेनशमा ६३.६४ प्रतिशतले उछाल आएकाे थियाे । गत आवमा मेट लाईफले ५९ कराेड ६५ लाख ६७ हजार रुपैयाँ नाफा आर्जन गरेकाे थियाे ।
