काठमाडौं । मेट लाइफका महाप्रवन्धक निर्मल काजी श्रेष्ठको वार्षिक तलब सुविधा ५० प्रतिशतले बृद्धि भएको छ । श्रेष्ठले गत आर्थिक वर्ष २०७८/७९ मा तलब भत्ता बोनस सहित एक करोड ७० लाख रुपैयाँ बुझेका छन् । उनले यस भन्दा अघिल्लो आर्थिक वर्षमा एक करोड १३ लाख रुपैयाँ प्राप्त गरेका थिए ।
श्रेष्ठले तलब तथा अलाउन्सेसबापत ९० लाख ९८ हजार रुपैयाँ प्राप्त गरेका छन् । त्यस्तै मुनाफाबाट कर्मचारी बोनस बापत ३८ लाख ७९ हजार रुपैयाँ प्राप्त गर्दा इन्सेन्टिभ ३२ लाख १४ हजार रुपैयाँ रहेको छ ।
गत वर्ष श्रेष्ठले तलब तथा अलाउन्सेस बापत ७९ लाख ४२ हजार रुपैयाँ बुझेका थिए । लेखापरीक्षण प्रतिवेदन अनुसार अघिल्लो वर्षको बोनस उनले प्राप्त गरेका थिएनन् ।
उच्च व्यवस्थापन तहका कर्मचारीहरुले गत आर्थिक वर्षमा तलब भत्ता तथा अन्य सुविधाहरु बापत २ करोड २ लाख रुपैयाँ लिएका छन् । 
