काठमाडौं । नेपाल धितोपत्र बोर्डबाट दुई नयाँ म्युचुअल फण्डले इकाई निष्काशनका लागि अनुमति पाएका छन् । बोर्डबाट सिटिजन्स सुपर ३० म्युचुअल फण्ड र आरविवि म्युचुअल फण्ड २ ले इकाई निष्काशन गर्न अनुमति पाएका हुन् ।
सिटीजन्स म्युचुअल फण्ड अन्तर्गत सञ्चालनमा आउने सिटीजन्स सुपर ३० म्युचुअल फण्डले १० करोड इकाई निष्काशन गर्नका लागि चैत ५ गते सेबोनबाट स्वीकृति पाएको हो । कोष प्रवद्र्धक सिटिजन्स बैंक र योजना व्यवस्थापक सिबिआईएल क्यापिटल लिमिटेड रहेको छ ।
त्यसैगरी आरविवि म्युचुअल फण्डअन्तर्गत सञ्चालनमा आउने आरविवि म्युचुअल फण्ड २ योजनाले १२ करोड इकाई निष्काशन गर्न सेबोनबाट चैत ५ गते स्वीकृति पाएको हो । कोष प्रवद्र्धक राष्ट्रिय बाणिज्य बैंक र योजना व्यवस्थापक आरविवि मर्चेन्ट बैंकिङ्ग लिमिटेड रहेको छ ।
