काठमाडौं । युनाईटेड मोदी हाइड्रोपावरको लाभांश सुरक्षित गर्ने आज अन्तिम दिन रहेको छ । कम्पनीले साधारण सभा प्रयोजनको लागि चैत्र ९ गते बुक क्लोज गर्ने निर्णय गरेकोले आज चैत्र ८ गतेसम्म कायम शेयरधनीले मात्र सभाम भाग लिन र प्रस्तावित लाभांश पाउँन सक्ने छन् ।कम्पनीले चैत्र २३ गते अनलाइन माध्यमबाट पनि शेयरधनी सहभागी हुन सक्ने गरि हेरिटेज प्लाजामा साधारणसभा सभा आयोजना गर्ने जनाएको छ ।
कम्पनीले ७ प्रतिशत बोनश शेयर र कर प्रयोजनको लागि ० दशमलव ३६८ प्रतिशत नगद लाभांश गरि कुल ७ दशमलव ३६८ प्रतिशत लाभांश बितरण गर्ने प्रस्ताव गरेको हो । साधारण सभाले उक्त प्रस्ताव पारित गर्नेछ ।
सभाले सञ्चालक समितिको तर्फबाट अध्यक्षले प्रस्तुत गर्नु हुने वार्षिक प्रतिवेदन उपर छलफल गरी पारित गर्ने,लेखापरिक्षकको प्रतिवेदन सहितको आर्थिक वर्ष २०७८ /७९ का वासलात, नाफा नोक्सान हिसाब र नगद प्रवाहको विवरण लगायत वित्तिय विवरणहरु उपर छलफल गरी स्वीकृत गर्नेछ ।
सभाले लेखापरीक्षण समितिको सिफारिस बमोजिम आर्थिक वर्ष २०७९/८० को लेखापरीक्षण कार्यको लागि लेखापरीक्षक नियुक्त गर्ने र निजको पारिश्रमिक निर्धारण गर्ने, सञ्चालक समितिले प्रस्ताव गरेबमोजिम श्री अमित पाण्डेलाई चार बर्ष कार्यकालका लागि कम्पनीको स्वतन्त्र सञ्चालक नियुक्त गर्ने प्रस्ताव पारित गर्नेछ ।
साथै, अन्य लगानीयोग्य क्षेत्र पहिचान गरी लगानी गर्नु परेमा सञ्चालक समितिलाई अख्तियारी दिने प्रस्ताव पारित गर्नेछ ,कम्पनीको जारी पूँजी बृद्धि गर्ने प्रस्ताव पारित गर्नेछ ।
