काठमाडौं । नेपाल राष्ट्र बैंकले भोलि अर्थात् सोमबार १५ अर्ब बराबरकोे ट्रेजरी बिलको बोलकबोल गर्ने भएको छ । राष्ट्र बैंकले फागुन ३० गते जारी हुने २८ दिने, ९१ दिने र ३६४ दिने ट्रेजरी बिलको बोलकबोल गर्ने भएको हो । राष्ट्र बैंकले २८ दिनको लागि ५ अर्ब, ९१ दिनका लागि ५ अर्ब र ३६४ दिनका लागि ५ अर्ब बराबरको ट्रेजरी बिल जारी गर्नेछ ।
यी ट्रेजरी बिल क्रमशः चैत २८ गते, २०८० जेठ ३० गते र २०८० फागुन २९ गते परिपक्व हुनेछन् । यी ट्रेजरी बिलका भोलि दिउँसो ३ बजे अनलाइनका माध्यमबाट बोलकबोल हुनेछ । बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्नेछन् ।
