काठमाडौं। सन नेपाल लाइफ इन्स्योरेन्सले आईपीओ निष्कासनको लागि नियामक निकाय नेपाल धितोपत्र बोर्डमा निवेदन दिएको छ । कम्पनीले प्रिमियममा आईपीओ जारी गर्दै छ। अंकित मूल्य भन्दा धेरै रकममा आईपीओ निष्कासन गरेमा त्यसलाई प्रिमियम मूल्यमा आईपीओ भनिन्छ । सन नेपालले अंकित मूल्य एक सय रुपैयाँमा १५० रुपैयाँ ५५ पैसा थप गरी २५० रुपैयाँ ५५ पैसामा आईपीओ जारी गर्दै छ । कम्पनीले ९६ लाख कित्ता आईपीओ निष्कासन गर्न निवेदन दिएको हो ।
कम्पनीले यदी अंकित मूल्यमा आईपीओ जारी गरेको भए कम्पनीले ९६ करोड शेयर पूँजी संकलन गर्थ्यो तर प्रिमियममा आउँदा थप रकम आउने भएको छ तर थप रकम कम्पनीको चुक्ता पूँजीमा नगएर जगेडा कोषमा जाने गर्दछ । जगेडा कोष बलियो हुँदा कम्पनीको प्रति शेयर नेट्वर्थ देखि आधारभुत रुपमा कम्पनी बलियो हुन्छ ।
धितोपत्र बोर्डबाट अनुमति पाए पश्चात कम्पनीले २ अर्ब ४० करोड माथिको लागि आईपीओ जारी गर्ने छ । जसमा ९६ करोड कम्पनीको चुक्तापूँजीमा जाने छ भने १ अर्ब ४४ करोड माथिको रकम कम्पनीको जगेडामा जाने छ ।
