काठमाडौं । नेपाली सेनाले विभिन्न पदका लागि दरखास्त आब्हान गरेको छ । सेनाले खुला तथा समावेशी प्रतियोगिताबाट पदपूर्ति गर्नका लागि दरखास्त आह्वान गरेको हो । जंगी अड्डा, भर्ना छनोट निर्देशनालयले विभिन्न भर्ती केन्द्रद्वारा बन्दोबस्ती कार्य सिपाही, सूचिकार, सफाइकर्मी, चर्मकर्मी, लोहकार, केशकर्तक, माली र सयस पदमा भर्ना खुलेको हो ।
उक्त सुचना बमोजिम मध्यपूर्वी पृतना इटहरीबाट ५४ जनाका लागि दरखास्त आह्वान गरिएको हो । जसमा सबैभन्दा धेरै बन्दोबस्त कार्य सिपाही खुला र आरक्षणतर्फ गरी २३ जनाको गरेको हो ।
त्यसैगरी, महोत्तरीबाट बन्दोबस्त कार्य सिपाहीमा २३ जना, सफाइकर्मीमा ८ जना, सूचिकार ६ जना, चर्मकर्मी ४ जना, लोहकार ३ जना, केशकर्तक ६ जना र सयस २ जना गरी कुल ५२ जना कर्मचारी माग गरिएको छ । हेटौंडाबाट पनि ५२ जनाकोलागि र पोखराबाट ५४ जनाको आवेदन माग गरेको हो ।
बुटवलबाट बन्दोबस्त कार्य सिपाहीमा २३ जनासहित सुचिकार, सफाइमर्की, चर्मकर्मी, लोहकार, केशकर्तक र सयर गरी कुल ५४ जना माग गरिएको छ । यस्तै, सुर्खेतबाट कुल ५४ जना, कैलालीबाट ५३ जनाको दरखास्त आह्वान गरिएको छ । काठमाडौं उपत्यकामा नारायणहिटीबाट ५३ जनाको माग गरिएको छ ।
नेपाली सेनाले दरखास्त आह्वान गरेका यि पदमा फागुन ११ देखि चैत १९सम्म आवेदन दिने सकिने छ । दोब्बर दस्तुर तिरेर भने चैत २६ सम्म दरखास्त दिने सकिनेछ ।
