काठमाडौं । नेपाल बीमा प्राधिकरणको निर्देशन पछि नेपाल इन्स्योरेन्स कम्पनीको सञ्चालक समितिका अध्यक्ष अर्जुन शर्मा पौडेल र सञ्चालक विष्णु खेतान अग्रवाललाई बर्खास्ती गरेको छ । कम्पनीले अध्यक्ष पौडेललाई बर्खास्त गर्दै अध्यक्षमा लक्ष्मण पौडेललाई सर्वसम्मत चयन गरेको छ । कम्पनीको फागुन १७ गते बसेको सञ्चालक समितिको बैठकले सञ्चालक समितिको अध्यक्ष पदमा लक्ष्मण पौडेललाई सर्वसम्मत चयन गरेको थियो ।
प्राधिकरणले निवर्तमान अध्यक्ष अर्जुन शर्मा पौडेलर विष्णु खेतान अग्रवाललाई मर्जरमा जाने सर्तमा पुनः नियुक्तिको लागि अनुमति दिएको थियो । तर पुर्ववत सर्तअनुरुप मर्जर प्रकृयाँमा नगए पछि प्राधिकरणले उनिहरुलाई पदबाट बर्खास्त गर्ने कम्पनीको सञ्चालक समितिलाई निर्देशन दिएको थियो । प्राधिकरणको निर्देशन अनुरुप नै उनिहरुलाई पदबाट हटाएको हो ।
दुई सञ्चालकको बर्खास्त सँगै अव कम्पनीको सञ्चालक समितिमा जम्मा तीन जना मात्रै रहेका छन् । हाल कम्पनीमा अध्यक्ष लक्ष्मण पौडेल सहित सञ्चालक सदश्यमा चन्द्र सिंह साउद र सविता श्रेष्ठ जोशी मात्रै रहेका छन् ।
1677676413397
