काठमाडौं । साताको पहिलो कारोबार दिन आइतवार नेप्से परिसूचक १९६१ को न्यून विन्दुसम्म पुगेर बजार बन्द हुँदा २०२७ को विन्दुमा बन्द भएको थियो । बजार बन्द हुँदा ४ दशमलव ५५ अंकले वृद्धि हुँदै २ अर्ब ५२ करोडको कारोबार भएको छ ।
बजारले कम ब्याक हानेकै हो ?
आजको बजार “सपोर्ट” जोनबाट फर्किएको देखिन्छ । केही महिना अघि मात्र नोभेम्बर पहिलो साता र अन्तिम साता बजारले १९६० को क्षेत्रलाई प्रतिरोध बनाएको थियो भने डिसेम्बर अन्तिम साता बजारले सो क्षेत्रबाट ब्रेकआउट गरेको थियो । ब्रेकआउट पश्चात सो क्षेत्र टेवा बन्दा र आजको बजार पनि इण्ट्राडेमा सोही क्षेत्रबाट माथिल्लो दिशा तर्फ फर्किएको छ । यसरी हेर्दा टेवा क्षेत्रबाट बजार फर्किएको छ ।
आजको फ्लोरसिटले के देखायो ?
आज ब्रोकर नम्बर ५८ बाट सर्वाधिक कारोबार भएको छ । ३८ करोड ३८ लाख कारोबार भएको दिन सो ब्रोकरबाट २३ करोड २८ लाख बराबरको खरिद भएको छ भने १५ करोड ९ लाख बराबरको विक्री भएको छ । यसरी हेर्दा आज ब्रोकर नम्बर ५८ बाट विक्रीको तुलनामा ८ करोड १९ लाख धेरै खरिद भएको छ।
त्यस्तै दोश्रो सर्वाधिक कारोबार गर्ने ब्रोकर नम्बर ३४ले २४ करोड ३३ लाखको कारोबार गर्दा ११ करोड ८९ लाख बराबरको खरिद भएको छ भने १२ करोड ४४ लाख बराबरको विक्री भएको छ । सो ब्रोकरबाट खरिदको तुलनामा ५५ लाख धेरै विक्री भएको छ ।
तेश्रोमा ब्रोकर नम्बर ४५ बाट १३ करोड ३३ लाखको खरिद हुँदा ९ करोड ४७ लाखको विक्री भएको छ ।
