काठमाडौं । फागुन १२ गते (शुक्रबार) त्रिभुवन विश्वविद्यालयको सम्पूर्ण कार्यालय तथा आङ्गिक क्याम्पस बन्द हुने भएको छ । त्रिवि सेवा आयोगका पूर्वाध्यक्ष चूडाराज उप्रेतीको निधनप्रति शोक व्यक्त गर्दै त्रिविले भोलि बिदा दिने निर्णय गरेको हो ।
फागुन ८ गते उप्रेतिको निधन भएकोमा त्रिविले १२ गते शोक बिदा दिने निर्णय गरेको हो । त्रिविका आङ्गिक क्याम्पसहरुमा पठन पाठन तथा कार्यालय बन्द भएतापनि पूर्व निर्धारित परिक्षाहरु भने यथावत सञ्चालन हुने त्रिविले जनाएको छ ।