काठमाडौं । लुम्बिनी जनरल इन्स्योरेन्स कम्पनीका प्रमुख कार्यकारी अधिकृत एन.पि प्रधानको वार्षिक तलब, भत्ता, दशै खर्च, सञ्चित विदा, बोनस सहित ५६ लाख ९८ हजार रुपैयाँ रहेको छ । प्रधानले तलब भत्ता बापत ४५ लाख ५५ हजार रुपैयाँ बुझेका छन् । उनले नियम अनुसार कर्मचारी बोनस बापत ११ लाख ४८ हजार रुपैयाँ प्राप्त गरेका छन् ।
अघिल्लो आर्थिक वर्षमा प्रधानले वार्षिक तलब भत्ता बापत ४३ लाख ३६ हजार रुपैयाँ र नियम अनुसार कर्मचारी बोनस बापत १५ लाख ४८ हजार रुपैयाँ प्राप्त गरेका छन् । मुनाफा घटे सँगै कर्मचारी बोनस घट्दा उनले अघिल्लो आर्थिक वर्षको तुलनामा २ लाख ११ हजारले सेवा सुविधामा कमि आएको छ । उनले अघिल्लो आर्थिक वर्षमा कुल ५९ लाख २५ हजार रुपैयाँ बराबरको तलब भत्ता र बोनस सहितको सुविधा प्राप्त गरेका थिए ।
उच्च व्यवस्थापन तहका २६ जना कर्मचारीहरुले भने गत आर्थिक वर्षमा ४ करोड २९ लाख रुपैयाँ प्राप्त गरेका छन् । कम्पनीले यहि फागुन ११ गते १८ औं वार्षिक साधारणसभा गर्दैछ । कम्पनीले शेयरधनीहरुका लागि ६.९९ प्रतिशत बोनस शेयर वितरण गर्दैछ । चुक्ता पूँजी एक अर्ब ३१ करोड रुपैयाँको ६.९९ प्रतिशत अर्थात ९ करोड १७ लाख बराबरको बोनस शेयर शेयरधनीले प्राप्त गर्दैछन् ।
