काठमाडौं । नेपाल स्टक एक्सचेञ्जले बिजय लघुवित्त वित्तीय संस्थाको शेयर कारोबार फुकुवा गरिदिएको हो । बिजय लघुवित्तले गत आर्थिक वर्षको लाभांश सम्बन्धित पत्र नेप्सेमा ढिला उपलब्ध गराएकोमा नेप्सेले धितोपत्र सूचिकरण विनियमावली बमोजिम कम्पनीको शेयर कारोबार रोक्का गरेको थियो ।
नेप्सेले कम्पनीलाई ३ दिनभित्र के कति कारणले यस्तो हुन पुगेको हो कारण खुलाई स्पष्टिकरण पेश गर्न आग्रह समेत गरेको थियो । सोही अनुरुप कम्पनीले माघ २५ गते बेलुका ६ बजेर ३५ मिनेटमा नेप्सेमा जानकारी गराएकोमा संचालक समितिको माघ २५ गते हुन गई मानविय त्रुटि भएको भन्दै अब यस्तो गल्ति नगर्ने शर्तमा नेप्सले कम्पनीको शेयर कारोबार फुकुवा गरेको बताएको छ ।
अब यस कम्पनीको शेयर कारोबार भोलिबाट हुनेछ ।
1676369218621
