काठमाडौं । नेपाल बीमा प्राधिकरणले जीवन तथा निर्जीवन बीमा कम्पनीहरुलाई साना प्रकृतिको दाबी भुक्तानी न्युनतम कागजपत्र जुटेको १५ दिन भित्र फर्छ्यौट गर्न निर्देशन जारी गरेको छ ।
निर्जीवन बीमा कम्पनीले २ लाखसम्मको दाबीलाई सानो दाबी मानी यथाशीघ्र फर्छ्यौट गर्नुपर्नेछ । बाली, पशुपन्छी, कृषि तथा लघु बीमा तर्फ ५० हजारसम्मको दाबीलाई सानो दाबी मानि यथाशीघ्र फरछ्यौट गर्नुपर्नेछ । यस्ता दाबी भुक्तानीका लागि न्युनतम प्रमाणहरु प्राप्त भए पछि १५ दिन भित्रमा दाबी फर्छ्यौट गर्नु पर्ने व्यवस्था गरेको हो ।
त्यस्तै बीमा कम्पनीहरुले दाबी भुक्तानीको त्रैमाशिक विवरण १५ दिन भित्रमा सार्वजनिक गर्ने भएको छ । प्राधिकरणले दाबी भुक्तानी मार्गदर्शन (दोस्रो स्शोधन) २०७९ मा यस्तो व्यवस्था थप गरेको हो । बीमा दाबी भुक्तानीको मुल मार्गदर्शनको दफा १८ मा संशोधन गर्दै उपदफा २ पछि उपदफा तीनमा ‘बीमकले दाबी भुक्तानीको त्रैमासिक विवरण प्रत्येक तीन महिना समाप्त भएको मितिले पन्ध्र दिन भित्र अनुसूची-३ बमोजिमको ढाँचामा प्राधिकरण समक्ष प्रतिवेदन बुझाउनु पर्नेछ ।
बीमादाबी_२०७९_20230214_0001
