काठमाडौं । प्रिमियर इन्स्योरेन्स कम्पनीका सिईओ विश्वराम तिमिलाले पदबाट राजिनामा दिएका छन् । उनले आफ्नो व्यक्तिगत कारण देखाई पदबाट राजिनामा दिएका हुन् । उनले दिएको राजिनामालाई कम्पनीको माघ २७ गते बसेको संचालक समितिको बैठकले फागुन १ गतेदेखि लागु हुनेगरी स्वीकृत गरेको हो । बीमा क्षेत्रमा ३० वर्षभन्दा बढि अनुभव भएका तिमला दक्ष र कुशल बीमा प्रशासक मानिन्छन् ।
कम्पनीले नेप्सेमार्फत सुचना जारी गर्दै कम्पनीको कायम मुकायम प्रमुख कार्यकारी अधिकृत पदमा कविता जोशीलाई नियुक्त गर्ने निर्णय गरेको छ । कम्पनीको माघ २७ गते नै बसेको संचालक समितिको बैठकले यस्तो निर्णय गरेको हो ।
