काठमाडौं । सानिमा जिआईसी इन्स्योरेन्स कम्पनी लिमिटेडले चालु आर्थिक वर्षको दोश्रो त्रैमासको रिपोर्ट सार्वजनिक गरेको छ । प्रकाशित तथ्यांक अनुसार कम्पनीको नाफा गत आर्थिक वर्षको दोश्रो त्रैमास भन्दा १०२ दशमलव २८ प्रतिशतले वृद्धि हुँदै ११ करोड ७४ लाख पुगेको छ ।
कुल बीमा शुल्क आर्जन ६२ दशमलव ९४ प्रतिशतले वृद्धि हुँदै ७५ करोड १४ लाख पुगेको छ भने खुद बीमा शुल्क आर्जन ६१ दशमलव ६३ प्रतिशतले वृद्धि हुँदै २९ करोड ९५ लाख पुगेको छ ।
२ अर्ब चुक्ता पुँजी भएको कम्पनीको जगेडामा २६ करोड ३२ लाख संचित छ भने बीमा कोषमा ३४ करोड ५३ लाख संचित छ । समिक्षा अवधिमा जगेडा कोष १३५ दशमलव ४९ प्रतिशतले वृद्धि हुँदा बीमा कोष १८३ दशमलव ५४ प्रतिशतले वृद्धि भएको छ ।
कम्पनीले पुष मसान्तसम्म ३६ करोड १९ लाख कुल दावी भुक्तानी गर्दा ७ करोड ९० लाख खुद दाबी भुक्तानी गरेको छ।
प्रकाशित तथ्यांक अनुसार कम्पनीको प्रति शेयर आम्दानी ११ रुपैयाँ ७५ पैसा र प्रति शेयर किताबी मूल्य १३१ रुपैयाँ ८७ पैसा छ ।
