काठमाडौं । सिटिजन लाइफ इन्स्योरेन्सले चालु आर्थिक वर्ष ७९/८० को दोश्रो त्रैमासको वित्तीय प्रतिवेदन सार्वजनिक गरेको छ । प्रकाशित तथ्यांक अनुसार कम्पनीले गत आर्थिक वर्षको दोश्रो त्रैमासको तुलनामा ९ दशमलव १५ प्रतिशत धेरै खुद नाफा गर्न सफल भएको छ । कम्पनीले अहिले दोश्रो त्रैमाससम्म १२ करोड ०३ लाख माथि खुद नाफा गर्दा गत आर्थिक वर्षको दोश्रो त्रैमाससम्म ११ करोड ०२ लाख खुद नाफा गरेको थियो ।
कम्पनीले चालु आर्थिक वर्षको पुष महिनासम्म २ अर्ब ६६ करोड कुल बीमा शुल्क आर्जन गर्न सफल भएको छ। गत वर्ष ६ महिनामा २ अर्ब ४८ करोड कुल बीमा शुल्क आर्जन गरेको थियो ।समिक्षा अवधिमा कुल बीमा शुल्क करीब ७ दशमलव ३२ प्रतिशतले वृद्धि भएको छ ।
जीवन बीमा कम्पनीको एउटा महत्वपूर्ण सूचक जीवन बीमा कोषको आकार ५५ दशमलव ४० प्रतिशतले वृद्धि हुँदै ७ अर्ब ५९ करोड पुगेको छ। गत वर्ष पुष मसान्तसम्म जीवन बीमा कोषमा ४ अर्ब ८८ करोड संचित थियो ।
२ अर्ब ६२ करोड चुक्ता पुँजी भएको कम्पनीको जगेडा कोषमा १ अर्ब २५ करोड संचित छ । जगेडा कोष रकम ५६ दशमलव ८७ प्रतिशतले वृद्धि भएको छ ।
गत वर्ष भन्दा कम्पनीले ४३ दशमलव ७१ प्रतिशत धेरै दाबी भुक्तानी गरेको छ । कम्पनीले ७२ करोड ३३ लाख खुद दावी भुक्तानी गरेको छ ।
त्यस्तै भुक्तानी हुन् बाँकी दाबी रकम १७ करोड १० लाख रहेको छ ।
