काठमाडौं । शिखर इन्स्योरेन्सले सार्वजनिक गरेको असार मसान्तको अपरिष्कृत वित्तीय विवरणको तुलनामा लेखापरीक्षण पछि कम्पनीको मुनाफा १३ करोड ७५ लाख रुपैयाँले घटेको छ । कम्पनीले सार्वजनिक गरेको लेखापरीक्षण प्रतिवेदन अनुसार २६ करोड ३९ लाख रुपैयाँ मुनाफा आर्जन गरेको छ । कम्पनीले गत साउनमा सार्वजनिक गरेको अपरिष्कृत वित्तीय विवरण अनुसार ४० करोड १४ लाख थियो ।
गत आर्थिक वर्षमा कम्पनीले २ अर्ब २२ करोड रुपैयाँ आम्दानी गरेको थियो भने खर्च एक अर्ब ८५ करोड रहेको छ । आम्दानीबाट खर्च कटाएर ३६ करोड ७० लाख रुपैयाँ मुनाफा देखिन्छ । कर कटाए पछिको मुनाफा भने २६ करोड ३९ लाख रुपैयाँ रहेको छ । प्रतिशेयर आम्दानी १३.९९ रुपैयाँ रहेको छ । गत वर्षमा प्रतिशेयर आम्दानी १८.१५ रुपैयाँ थियो ।
