काठमाडौं । पछिल्लो समय नेपालीहरुमा पनि बीमा पोलिसी उपहार दिने प्रचलन बढ्दै आइरहेको छ । विभिन्न उत्सवहरुमा जीन्सी सामान, गरगहना लगायतका उपहार दिनुको सट्टा पछिल्लो समय बीमा पोलिसी उपहार दिने प्रचलनले प्राथमिकता पाउँदै आएको छ ।
यसैबीच बिर्तामोड नगरपालिका ७ झापाका राजु गौतम र चित्रकला कुवर गौतमले आफ्नो छोरीको पहिलो जन्मदिनमा बीमा पोलिसी उपहार दिएका छन् । आमा बुबाले आफ्नो परिवारको पहिलो सन्तानको रुपमा रहेको छोरीलाई जन्मदिनको अवसर पारी १० बीमा पोलिसी उपहार दिएका हुन् ।
उनीहरुले रिलायबल नेपाल लाइफ इन्स्योरेन्स इलाम शाखामा रिलायबल बाल सुलभ प्लस जीवन बीमा खरिद गरेका हुन् । आज गरेको बीमाले सेभिङका साथै, जोखिम बहन र भोलिको भविष्य सुरक्षित गर्ने भएकाले गौतम दम्पत्तिले आफ्नो छोरीलाई बीमा पोलिसी उपहार दिएका हुन् ।
