तोलामा १४ सय रुपैयाँले घट्यो सुनको भाउ, कतिमा हुँदैछ किनबेच ?

काठमाडौं । आज शुक्रबार सुन चाँदीको मुल्य घटेको छ। हिजो बिहिबार प्रतितोला १ लाख ७ हजार ५ सय रुपैयाँमा कारोबार भएको छापावाल सुन आज शुक्रबार तोलामा १ हजार ४ सय रुपैयाँले घटेर प्रतितोला १ लाख ६ हजार १ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।

त्यस्तै, तेजावी सुन पनि तोलामा १ हजार ४ सयले घटेर प्रति तोला १ लाख ५ हजार ६ सयमा कारोबार भइरहेको छ । चाँदीको मुल्य तोलामा २५ रुपैयाँले घटेर प्रतितोला १ हजार ३ सय ६५ रुपैयाँमा कारोबार भइरहेको छ।