काठमाडौं । मधेश प्रदेश सरकार, सामाजिक विकास मन्त्रालय, शिक्षा विकास निर्देशनालय जनकपुरधाम धनुषाको कार्यदेश बमोजिम संचालन भएको मुख्यमन्त्री बेटी पढाउ, बेटी बचाउ मुद्धती अभियानमा संलग्न भएकालाई रसिद लिन ग्लोबल आइएमई बैंक लिमिटेडले आग्रह गरेको छ ।
बैंकले मिति २०७९ असार ३१ गतेभित्र शिक्षा विकास निर्देशनालय, मधेश प्रदेशको कार्यालयमा आवेदन दर्ता तथा स्वीकृत गराई सहभागी भएका सम्पूर्ण बालिकाहरुको मुद्धती खाता खोलिसकेको जनाएको छ । आफूलाई पायक पर्ने यस बैंकको मधेश प्रदेशमा रहेको जुनसुकै शाखाबाट रसिद प्राप्त गर्न सक्नेछन् । यसका लागि ग्राहक पहिचान अध्यावधिक गर्न चाहिने कागजात लिएर जानुपर्ने हुन्छ ।
रसिद लिनका लागि बच्चाको सक्कल जन्मदर्ता अथवा १ प्रतिलिपि, संरक्षकको सक्कल नागरिकता वा प्रतिलिपी, बच्चाको पासपोर्ट साइजको २ प्रति फोटो र संरक्षकको पनि पासपोर्ट साइजको २ प्रति फोटो सहित शाखा कार्यलयमा सम्पर्क गरि रसिद लिन बैंकले अनुरोध गरेको छ ।