IME Life

कर तिर्न जादा कर्मचारीले दुख दिए अर्थमन्त्रालयमा जानकारी दिनु कारबाही गर्नेछु : अर्थमन्त्री पौडेल

SPIL
Sanima Reliance
GBIME

काठमाडौं । अर्थमन्त्री विष्णु प्रसाद पौडेलले कर तिर्न जादा कर्मचारीले दुख दिएमा गोप्य रुपमा अर्थमन्त्रालयमा जानकारी दिन आग्रह गरेका छन् । नेपाल उद्योग बाणिज्य महासंघले लघु घरेलु, साना तथा मझौता उद्योग व्यवसाय सम्मेलनमा मन्तव्य दिने क्रममा अर्थमन्त्री पौडेलले कर तिर्न जादा दुख दिने कर्मचारीलाई कारबाही गर्ने प्रतिवद्धता व्यक्त गरेका हुन् ।

उद्योग बाणिज्य महासंघका अध्यक्ष शेखर गोल्छाले कर बुझाउन जाँदा घुसु दिनु पर्ने अवस्था रहेको गुनासो गरेपछि अर्थमन्त्री पौडेलले यस्तो आग्रह गरेका हुन् । उनले भने ‘राष्ट्रसेवक कर्मचारीको काम सेवा गर्ने हो । कसैलाई दुःख गरी उहाँहरुले काम गर्न पाउनु हुन्न । कसैले दुःख दिने काम गरेको छ भने तपाईंहरु मलाई जानकारी दिनुस् तत्कालै कारबाही हुनेछ ।’

Crest

पौडेलले स्टार्टअप कार्यविधि छिट्टै निर्माण गरी कार्यान्वयन गर्ने बताएका छन् । निजी क्षेत्रको योगदानलाई अघि बढाउन उक्त स्टार्टअप कार्यविधि निर्माण गर्ने उनले प्रष्ट परे । आजको सम्मेलनलाई संबोधन गर्दै पौडेलले घरेलु उद्यममा देखापरेका नीतिगत अस्पष्टलाई समाधान गर्दै लैजाने बताए ।

अर्थमन्त्री पौडेलले व्याजदर र महँगीको सम्बन्ध हुने भन्दै महँगो व्याजदरलाई सिमाभित्र राख्ने सरकारको सोच रहेको बताए । उनले भने ‘पछिल्लो दिनमा ब्याजदर कम हुने केही संकेत देखिएका छन् । आगामी दिनमा ब्याजदर वाञ्छित सीमाभित्र हुन्छ भन्ने हामीलाई विश्वास छ । राष्ट्र बैंक र सरकारले नियमित छलफल गरिरहेको छ । राष्ट्र बैंक आफैं निर्णय गर्ने अधिकार राख्ने स्वायत्व संस्था हो । तर, देशको अर्थतन्त्र सञ्चालन गर्न अर्थमन्त्रालय र राष्ट्र बैंकबीच सहकार्य भने हुन्छ । अहिले राष्ट्र बैंक र अर्थ मन्त्रालयले अर्थतन्त्रका समग्र अवस्थाका विषयमा संघन संवाद गरिरहेको छ ।’

अर्थमन्त्रमा देखिएका समस्या सरकारको मात्रै नभएर सिंगो राष्ट्रको भएको बताएका छन् । उनले उद्योगी व्यवसायीलाई अहिलेको अवस्थालाई बुझेर काम गरिदिन समेत आग्रह गरेका छन् । उनले निजी क्षेत्रको प्रवर्द्धनका लागि सहयोग गर्ने प्रतिवद्धता समेत व्यक्त गरे ।

लघु घरेलु, साना तथा मझौला ‘एमएसएमई’ उद्योग स्वरोजगार बनाउने मात्र नभई रोजगारका अवसर समेत सिर्जना गर्ने महत्वपुर्ण क्षेत्र रहेको महासंघले जनाएको छ । उद्योग विभागका अनुसार नेपालको कुल गार्हस्थ उत्पादनमा उद्योग क्षेत्रको योगदान ५.६ प्रतिशत छ । त्यमा घरेलु तथा साना उद्योगको अंश ९० प्रतिशत छ ।

नेपालमा सञ्चालित कुल उद्योग मध्ये ९८.४४ प्रतिशत एमएसएमई उद्योग छन् । गत आर्थिक वर्षमा ३०९ ठुला उद्योग दर्ता भएको हुँदा ६५ हजार एमएसएमई उद्योग दर्ता भएका थिए ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS