काठमाडौं । मर्जर पछि दोस्रो बजारमा सानिमा जिआइसीको पहिलो कारोबार सुरु भएको छ । आज सोमबारदेखि सुरु भएको पहिलो कारोबारमै सकारात्मक सर्किट लागेको छ । नेप्सेले सानिमा जिआइसीलाई पहिलो कारोबारका लागि ३६७.५ रुपैयाँ तोकेको थियो ।
कारोबारका लागि ‘SGIC’ कोड दिएको छ । आजको पहिलो कारोबारमै ९.९९ प्रतिशतले बढेर ४०४.२० रुपैयाँ कायम भएको छ । अहिलेसम्मको अवस्थामा सानिमा जिआइसीको शेयर कारोबारका लागि खरिद कर्ता मात्रै बढि छ । बिक्री चाप सून्य छ ।
साविक सानिमा जनरल इन्स्योरेन्स कम्पनी र जनरल इन्स्योरेन्स कम्पनी मर्जर भएर सानिमा जिआइसी बनेका थिए । मर्जर पछि कार्तिक ७ गतेदेखि एकिकृत कारोबारको शुभारम्भ भएको थियो । बराबरी हैसियतमा मर्जर पश्चात कम्पनीको चुक्ता पूँजी २ अर्ब पुगेको छ ।
