काठमाडौं । नेपाल इन्फ्रास्ट्रक्चर बैंक लिमिटेड (निफ्राले ) चालु आर्थिक वर्षको दोश्रो त्रैमासको वित्तीय विवरण सार्वजनिक गरेको छ। सार्वजनिक गरिएको वित्तीय विवरण अनुसार कम्पनीले ६ महिनाको अवधिमा ७६ करोड ६१ लाख रुपैयाँ नाफा कमाएको छ । गत आर्थिक वर्षको सोही अवधिमा नाफा ४४ करोड २६ लाख थियो । समिक्षा अवधिमा कम्पनीको नाफा ७३ प्रतिशतले वृद्धि भएको छ ।
नाफामा वृद्धि भएसँगै प्रति शेयर आम्दानी पनि वृद्धि भएको छ । प्रति शेयर आम्दानी ४ रुपैयाँ ४३ पैसाबाट वृद्धि भएर ७ रुपैयाँ ०९ पैसा पुगेको छ ।
खुद व्याज आम्दानी ६० प्रतिशतले वृद्धि भएको कारणले संचालन नाफा पनि ७३ प्रतिशत माथिले वृद्धि भएको छ । कम्पनीले चालु आर्थिक वर्षको दोश्रो त्रैमाससम्म १ अर्ब ३२ करोड खुद व्याज आम्दानी गर्दा १ अर्ब ९ करोड संचालन नाफा गरेको छ । वितरणयोग्य मुनाफा पनि ७३ प्रतिशतले वृद्धि हुँदै ६० करोड ४१ लाख पुगेको छ ।
२१ अर्ब ६० करोड चुक्ता पुँजी भएको कम्पनीको जगेडामा १ अर्ब ६६ करोड संचित छ। त्यस्तै ५७ करोड ७९ लाख निक्षेप संकलन गरेको कम्पनीले १९ अर्ब ८२ करोड कर्जा प्रवाह गरेको छ।
प्रकाशित तथ्यांक अनुसार कम्पनीको प्रति शेयर आम्दानी ७ रुपैयाँ ०९ पैसा र प्रति शेयर नेट्वर्थ १०७ रुपैयाँ ७३ पैसा छ ।
