काठमाडौं । नविल बैंकले आफ्नो नाममा रहेको स्वावलम्बन लघुवित्त वित्तीय संस्थाको संस्थापक शेयर बिक्री गर्ने भएको छ । बैंकले लघुवित्तको १ लाख ५९ हजार कित्ता संस्थापक शेयर बिक्रि गर्ने भएको हो ।
स्वावलम्बनले उक्त शेयर बिक्रीका लागि विद्यमान संस्थापक तथा अन्य लगानीकर्ताहरुलाई बोलकबोलका लागि आह्वान गरेको छ । इच्छुक आवेदकले यहि माघ १० गतेदेखि २४ गतेभित्र आवेदन दिन सक्ने छन् । बोलकबोल गर्दा प्रति कित्ता ५५५ रुपैयाँ भन्दा माथिको दलमा प्रस्ताव पेश गर्नु पर्नेछ । त्यस्तै न्युनतम एक हजार कित्ताको लागि आवेदन दिनु पर्नेछ ।
शेयर खरिदका लागि इच्छुक संस्थापक वा अन्य योग्य व्यक्ति तथा नेपालमा दर्ता भएको कम्पनी, संघ, संस्थाले बिक्रि प्रबन्धक नबिल इन्भेष्टमेन्ट बैंकिङ लिमिटेडमा आइपुग्नेगरी आवेदन पेश गर्नुपर्ने छ । उक्त आवेदनमा आफूले लिन खोजेको कित्ता र के कति दर रेटमा लिन कबुल गर्ने हो उल्लेख गर्नुपर्नेछ ।
