काठमाडौं । साताको तेस्रो दिन आज शेयर बजार उकालो लागेको छ । आज शेयर ३२ दशमलव ७२ प्रतिशतले बढ्दा २१८२ दशमलव ११ को विन्दुमा कायम भएको छ । आज कुल ३ अर्ब ७२ करोड ४७ लाख ९५ हजार रुपैयाँको शेयर कारोबार भएको छ । जसमध्ये १६९ कम्पनीको शेयर मूल्य बृद्धि भएको छ भने ६ कम्पनीको शेयरमा गिरावट आएको छ ।
आज शेयर बजार बढ्दा सकारात्मक सर्किट लाग्दै सबैभन्दा धेरै ग्रिन भेन्चर लिमिटेड, आदर्श लघुवित्त वित्तीय संस्था लिमिटेड र पिपुल हाइड्रोपावर कम्पनी लिमिटेडका लगानीकर्ताले कमाएका छन् । आज ग्रिन भेन्चरको शेयर मूल्य ४१५ रुपैयाँ कायम भएको छ भने आदर्श लघुवित्त वित्तीय संस्थाको प्रति शेयर मूल्य ७७१ रुपैयाँ कायम भएको छ । साथै पिपुल हाइड्रोपावरको प्रति शेयर मूल्य भने २९७ रुपैयाँ कायम भएको छ । साथै आज बलेफी हाइड्रोपावरको शेयर ९.९७ प्रतिशतले बृद्धि भई प्रति शेयर मूल्य ३७८ रुपैयाँ कायम भएको छ ।
