काठमाडौं । गुहेश्वरी मर्चेन्ट बैकिङ एण्ड फाइनान्स लिमिटेडले वार्षिक साधारणसभाको मिति तय गरेको छ । उक्त संस्थाको मिति २०७९ माघ २ गते बसेको संचालक समितिको २४७ औं बैठकले संस्थाको २१ औं वार्षिक साधारणसभा यहि माघ २७ गते सम्पन्न गर्ने निर्णय गरेको हो ।
सभामा कम्पनीले घोषणा गरेको हाल कायम चुक्ता पूँजी ९५ करोड ४ लाखको ६ दशमलव ५० प्रतिशतले हुन आउने ६ करोड १७ लाख ७६ हजार कित्ता बोनस शेयर र चुक्ता पूँजीको ० दशमलव ३४ प्रतिशतले हुन आउने ३२ लाख ५१ हजार ३६८ रुपैयाँ नगद लाभांश वितरण गर्ने प्रस्तावलाई पारित गर्नेछ ।
साधारणसभा प्रयोजनका लागि कम्पनीले शेयर दाखिला खारेज मिति (बुक क्लोज) माघ २० गते तय गरेको छ । उक्त साधारणसभा भने माघ २७ गते गुहेश्वरी भवन, हरिहर भवन ललितपुरमा विहान १० बजे सम्पन्न हुनेछ ।
