काठमाडौं । बैंकहरुमा निक्षेप संकलन ५३ खर्ब नाघेको छ । वाणिज्य बैंकहरुमा एकै दिन ७ अर्बले निक्षेप वृद्धि हुँदा समस्त प्रणालीको निक्षेप ५३ खर्ब २ अर्ब पुगेको हो । नेपाल राष्ट्र बैंकले पुस २० गतेसम्मको तथ्यांक हेर्दा बैंकहरुले अहिले कर्जा प्रवाह ठप्प जस्तै पारेको र निक्षेप संकलनमा मात्र केन्द्रित भएको देखिन्छ ।
निक्षेपमा वृद्धि र कर्जा प्रवाह सुस्त हुँदा वाणिज्य बैंकहरुको सिडी रेसियो निरन्तर घट्दो क्रममा छ । पुस २० गतेसम्म वाणिज्य बैंकहरुको सिडी रेसियो ८६ दशमलव ५६ पुगेको छ ।
तरलता सहज भएको कारणले गर्दा अन्तर बैंक व्याज दर पनि ७ प्रतिशत तल आएको छ ।
