काठमाडौं । जीवन बीमकसंघका पदाधिकारीले उपप्रधानमनत्री एवम अर्थमन्त्री विष्णु प्रसाल पौडेलसँग भेटवार्ता गरेको छ । भेटमा अर्थमन्त्रीको कार्याकाल सफलताको शुभकामना व्यक्त गर्दै बीमालाई संस्थागतभन्दा पनि व्यक्तिगत रुपमा हेरिदिन अर्थमन्त्रीसँग अनुरोध गरेको संघले जनाएको छ ।
बीमा कम्पनीले गाउँगाउँबाट रकम संकलन गरि अनौपचारिक रुपमा रहेका रकमलाई औपचारिक रुपमा ल्याउने एउटा टुलको रुपमा काम गरिरहेको छ । यसमा आउने पैसाले गाउँगाउँसम्म मान्छे परिचालन हुने र ९० प्रतिशतभन्दा बढी आम्दानी बीमितलाई नै फिर्ता जाने भएकोले बीमा क्षेत्रलाई सकेसम्म व्यक्तिगत निक्षेपको रुपमा हेरिदिन अर्थमन्त्री समक्ष संघले अनुरोध गरेको हो ।
बीमा गर्न थप प्रेरित गर्नका लागि करको दायरा बढाउने,अवकाश कोषको रुपमा प्रस्तुत गरिदिन संघले बजेट विनियोजनको समयमै जानकारी गराएको थियो । संघको उक्त अनुरोधमा अर्थमन्त्री पौडेलले आफूले सक्ने कुरामा आफू सकारात्मक रहेको र मन्त्रालयका पदाधिकारीसँग छलफल गर्ने बताएका छन् ।
उक्त भेटमा संघका अध्यक्ष पोषक पौडेल, पूर्व अध्यक्ष निर्मल काजी श्रेष्ठ, महासचिव प्रकाश विक्रम खत्री र कोषाध्यक्ष दिनेश लाल श्रेष्ठको उपस्थिति रहेको थियो ।
