काठमाडौ । एशियन लाइफ इन्स्योरेन्स कम्पनी, हरिवन शाखाका शाखा प्रबन्धक सरोज केसीले आफ्नो जन्मदिन मानव सेवा आश्रममा मनाएका छन् । उनले आश्रममा रहेका करिब ५० जनाभन्दा बढीलाई खाना खुवाएर आफ्नो ३७ औं जन्मदिन मनाएका हुन् ।
सेवा नै धर्म हो भन्ने सोचका साथ आफूले आश्रममा रहेकालाई खाना खुवाएर जन्म दिन मनाएको केसीको भनाई छ । भोको पेट बसेर मन्दिरमा घण्टी बजाउनुभन्दा भोको पेटलाई खाना खुवाउनु नै ठूलो धर्म हुने उनको बुझाई छ । वर्तमान समयमा जन्मदिनको नाममा अनावश्यक खर्च गर्न प्रचलन बढेको र यसले विकृति फैलाएको उनी बताउँछन् । तसर्थ राम्रो काम आफूबाट सुरु गर्नुपर्छ भन्दै आफ्नो जन्मदिनमा आश्रममा रहेका भोको पेटलाई खाना खुवाएर आफूले राम्रो कामको सुरुवात गरेको केसीको भनाई छ ।
