काठमाडौं । पछिल्लो समय नेपालीहरुमा पनि बीमा पोलिसी उपहार दिने प्रचलन बढ्दै आइरहेको छ । विभिन्न उत्सवहरुमा जीन्सी सामान, गरगहना लगायतका उपहार दिनुको सट्टा पछिल्लो समय बीमा पोलिसी उपहार दिने प्रचलनले प्राथमिकता पाउँदै आएको छ ।
यसैबीच सुनवल नगरपालिका वडा नं ०९ रुपन्देही बस्ने लिलादेवी पूनले आफ्नो श्रीमान नगेन्द्र पूनको जन्मोत्सवमा बीमा पोलिसी उपहार स्वरुप दिएकी छिन् । उनले श्रीमानलाई सिटिजन लाइफ इन्स्योरेन्सको सिटिजन शुभारम्भ योजना बीमा पोलिसी खरिद गरि उपहार दिएकी हुन् ।
उनले भनिन् आज गरेको बीमाले भोलिको भविष्य सुरक्षित गर्दछ त्यसकारण मैले जन्मदिनमा श्रीमानलाई बीमा पोलिसी उपहार दिएकी हुँ । उनले आफ्नो श्रीमानको १५ लाखको बीमा खरिद गरि उपहार दिएर जन्मदिन मनाएकी हुन् ।
जन्मदिनको कार्यक्रममा परासी शाखाका शाखा प्रमुख दिपक थापा क्षेत्रीले बीमाको महत्त्व र आवश्यकताको जानकारी गराउदै सिटिजन लाइफ इन्स्योरेन्सको बारेमा छर्लङ्ग गराउदै आफ्नो श्रीमानको जन्मदिनमा उनलाई उपहार स्वरुप बीमा पोलिसी उपहार स्वरुप दिएकोमा उनलाई बधाई संगसंगै धन्यवाद दिए ।
